HeimFréttir og greinarSæmundarstund í Háskóla Íslands

Sæmundarstund í Háskóla Íslands

Hin árlega Sæmundarstund fer fram mánudaginn 20. mars kl. 12.05 til 12:40 á Háskólatorgi og við styttuna af Sæmundi fróða fyrir framan aðalbyggingu Háskólans

Sæmundarstund var fyrst haldin á aldarafmæli Háskóla Íslands árið 2011 að frumkvæði Oddafélagsins, sem er félag áhugamanna um endurreisn fræðaseturs að Odda á Rangárvöllum þar sem Sæmundur fróði bjó. Stundin hefur verið haldin árlega síðan, jafnan á degi sem næst vorjafndægrum.
Þar er lærdómsmannsins og þjóðasagnapersónunnar Sæmundar fróða Sigfússonar minnst en hann var uppi á 11. og 12. öld. Sæmundur fór utan til náms og nam m.a. við skóla í Evrópu áður en hann sneri aftur til Íslands og gerðist prestur að Odda á Rangárvöllum.
Dagskráin hefst á Háskólatorgi en líkt og fyrri ár fer Sæmundarstund síðan fram við styttuna af Sæmundi á selnum sem stendur í Skeifunni fyrir framan Aðalbyggingu Háskóla Íslands. Styttuna gerði Ásmundur Sveinsson og vísar hún til frægrar þjóðsögu af viðureign Sæmundar við kölska sem samkvæmt þjóðsögunni flutti Sæmund heim til Íslands í selslíki.
DAGSKRÁ:
Á Háskólatorgi:
12.05 Ási Þórðarson, varaformaður Stúdentaráðs, býður gesti velkomna og segir stuttlega frá Sæmundi fróða
12.10 Háskólakórinn tekur tvö lög
12.20 Farið niður að styttunni
Hjá styttunni af Sæmundi fróða:
12.25 Rektor Háskóla Íslands, Jón Atli Benediktsson, heldur stutta tölu
12.30 Þór Jakobsson, fulltrúi Oddafélagsins, heldur stutta tölu
12.35 Leikskólabörn frá Mánagarði syngja nokkur lög
12:45 Athöfn lýkur
Öll velkomin!

 

spot_img

MEST LESIÐ:

ODDASTEFNA

laugardaginn 28. maí kl. 13:30 í Hvolnum á Hvolsvelli

Fréttir af uppgreftri í Odda á mbl.is

Hellarnir mögulega eldri en gert var ráð fyrir

Aðalfundur Oddafélagsins 2022

Aðalfundur Oddafélagsins 2022 verður haldinn laugardaginn 28. maí kl. 11:00 í Hvoli á Hvolsvelli.

Þórður í Skógum sæmdur fyrsta gullmerki Oddafélagsins

Heiðursfélagi Oddafélagsins, Þórður Tómasson í Skógum, var í dag sæmdur fyrsta gullmerki félagsins í virðingar og þakkarskyni fyrir söfnun, varðveislu og miðlun menningararfsins.