HeimFréttir og greinarNý vefsíða og merki Oddafélagsins

Ný vefsíða og merki Oddafélagsins

Velkomin á nýja heimasíðu Oddafélagsins

Ný vefsíða Oddafélagsins hefur nú verið opnuð og nýtt merki félagsins tekið í notkun. Merkið er hannað af Finni Malmquist, grafískum hönnuði. Markmið Oddafélagsins er að varpa ljósi á manninn Sæmund Sigfússon, og þess vegna var valið að styðjast við vangamynd Sæmundar af styttu Ásmundar Sveinssonar, myndhöggvara: Sæmundur á selnum. Þjóðsagan um Sæmund á selnum er vissulega tilbúningur; ævaforn evrópsk flökkusaga, sem einhvern tímann hefur borist til Íslands og tengst nafni Sæmundar.

En þrátt fyrir það er hún afar táknræn fyrir starf Sæmundar hér á landi, eftir að hann kemur heim úr námi. Hann hefur nýja þekkingu í farteskinu sem hann miðlar og nýtir einnig til að móta samfélagið upp á nýtt um aldamótin 1100. Þegar Sæmundur lemur Kölska í höfuðið með Saltaranum í þjóðsögunni má segja að hann sé að berja fáfræðina og myrkrið með þekkingunni og ljósinu. Með þetta í huga voru einkunnarorð félagsins valin, Þekkingin sigrar myrkrið, og í merki félagsins eru þau að sjálfsögðu rituð á latínu, líkt og Sæmundur hefði sjálfur gert: Sapientia tenebras vincit.

Á þessari nýju vefsíðu má finna greinargóðar upplýsingar um verkefni félagsins undir flipanum Verkefnin okkar. Ef þú smellir á flipann Fréttir og greinar birtast allar fréttafærslur aftur í tímann. Við vonum að félagsmenn og aðrir gestir verði ánægðir með nýju síðuna og nýti hana til að koma upplýsingum um félagið á framfæri. Vefurinn er unnin af Ásgrími Sverrissyni. Oddafélagið færir þeim Finni Malmquist og Ásgrími Sverrissyni allra bestu þakkir fyrir frábæra vinnu og einstaklega ánægjulegt samstarf.

spot_img

MEST LESIÐ:

Hugmynd í þróun: Sæmundarstofa og Oddakirkja

Þegar um svo merkan og mikilvægan þjóðmenningarstað sem Odda er að ræða verður að vanda til verka og hugsa til framtíðar.

Jarðsjá og drónaflug

Föstudaginn 5. ágúst sl. kom Steinunn Kristjánsdóttir prófessor í fornleifafræði við Háskóla Íslands ásamt fríðu föruneyti í Odda til að gera fyrstu tilraunir með jarðsjá á Oddastað.

Tillaga að Sæmundarstofu kynnt á Oddastefnu

Glæsileg tillaga að Sæmundarstofu, menningar- og fræðasetri í Odda, verður kynnt á Oddastefnu, laugardaginn 20. maí.

Ráðherra heimsækir Odda

Lilja Alfreðsdóttir, menningar- og viðskiptaráðherra, kynnti sér Oddarannsóknina og framtíðaráform Oddafélagsins um uppbyggingu menningar- og fræðaseturs í Odda.